नेपाल आदिबासी जनजाति युवा महासंघ गठन

विर्तामोड, १६ पुस ÷ आदिबासी जनजाति युवा महासंघको झापा जिल्ला समितिको अध्यक्षमा कैलाश थापामगर चयन भएका छन् । यहाँस्थित नेपाल आदिबासी जनजाति महासंघको कार्यालयमा शुक्रबार सम्पन्न कार्यक्रममा १५ सदस्यीय जिल्ला समिति चयन गरिएको हो ।
समितिको उपाध्यक्षमा वीरेन मेचे, सचिवमा सलुजा चौधरी, सहसचिवमा टेकनारायण गणेश र कोषाध्यक्षमा निङ्सा लिम्बू चयन भएका छन् । त्यसैगरी सदस्यहरुमा मुना सुनुवार, विशाल सुनुवार, रवि दनुवार, विजय पाठक, सन्तोष गणेश, सुमन केरुङ, अनिल राई, ज्ञानबहादुर धिमाल, सिर्जना मेचे र इन्द्र चौधरी चयन भएका छन् ।
युवा महासंघ केन्द्रीय सदस्य सचिव भरतकेशर श्रेष्ठको प्रमुख आतिथ्यमा सम्पन्न कार्यक्रममा नेपाल आदिबासी जनजाति महासंघ झापाका अध्यक्ष प्रेम घिसिङ, युवा महासंघका केन्द्रीय सदस्यहरु आरके राई, तेजकुमार आले, मातृका धिमाललगायतले शुभकामना मन्तव्य व्यक्त गरेका थिए ।
कार्यक्रमको संचालन युवा महासंघका केन्द्रीय सदस्य तथा मध्यमाञ्चल उपत्यका संयोजक मीना श्रेष्ठले गरेकी थिइन् भने नवनिर्वाचित कार्यसमितिलाई प्रमुख अतिथिले शुक्रबारै पदभार तथा सपथ गराइएको कार्यालय सचिव रोशनी मेचेले जानकारी दिइन् ।